Galicia en Galego: Morre un bebé de 12 meses no seu domicilio en Marín (Pontevedra). Europa Press

MARTES, 19 DE FEBRERO, 20:01

1. Morre un bebé de 12 meses no seu domicilio en Marín (Pontevedra)

Un bebé de 12 meses morreu na mañá deste martes no seu domicilio do municipio pontevedrés de Marín, segundo confirman a Europa Press fontes consultadas na Policía Nacional e Local e o Concello.

2. Adif pide catro anos de prisión para o maquinista do Alvia

O avogado do Estado, en nome de Adif, pide catro anos de prisión para o maquinista que conducía o tren Alvia sinistrado en xullo de 2013 no barrio compostelán de Angrois, onde morreron 80 persoas e 144 resultaron feridas.

3. Condenado a 26 anos de cárcere o mozo que matou a outro co seu coche no paseo marítimo da Coruña

O xurado considerou probado que o fixo coa intención "de acabar coa vida" A Sección Segunda da Audiencia Provincial da Coruña condenou, de acordo co veredicto do Tribunal do Xurado, a 26 anos de cárcere ao mozo que matou a outro co seu coche no paseo marítimo coruñés, segundo informa o Tribunal Superior de Xustiza de Galicia (TSXG).

4. A CIG demanda a Ferroatlántica "garantías de estabilidade" para iniciar negociacións

A CIG demanda a Ferroatlántica a reactivación dos fornos e "garantías de estabilidade" no emprego e a produción "como paso previo" ao comezo das negociacións.

5. Galicia perde 799 afiliados estranxeiros á Seguridade Social en xaneiro

O número medio de afiliados estranxeiros á Seguridade Social en Galicia alcanzou os 35.042 en xaneiro, o que supón un crecemento interanual do 9,28 por cento con respecto ao mesmo mes de 2018.

6. Trasladados dous adultos e un menor por intoxicación debido a un escape de gas na súa vivenda

Dous adultos e un menor foron trasladados polos servizos sanitarios de urxencia por mor dunha intoxicación por acumulación de monóxido de carbono no interior da súa vivenda no municipio coruñés de Oleiros.

7. Feijóo advirte de que non pode "seguir comprometendo" entregas en prazo de Vulcano

Contrapón a súa situación á doutros estaleiros, que "son competitivos, gañan diñeiro e crean emprego" O presidente da Xunta, Alberto Núñez Feijóo, reivindicou este martes o apoio que o Goberno autonómico prestou ao estaleiro vigués Vulcano, ao que deu dúas "oportunidades", pero advertiu de que a administración "non pode seguir comprometendo entregas en prazo", en alusión ao ferri que ten por finalizar a empresa.

8. Investigado un mozo de Gondomar despois de serlle interceptados case 40 gramos de haxix para a venda

A Guardia Civil investiga penalmente a un mozo de 19 anos veciño de Gondomar (Pontevedra) por un suposto delito contra a saúde pública, ao ser interceptado na vía pública con case 40 gramos de haxix, supostamente destinados para a venda.

9. A Xunta, "traballando" para que haxa "un novo contrato" e liquidar a crise de Vulcano

A Xunta de Galicia está "a traballar" cun papel de "mediador" para tentar que haxa "un novo contrato" e liquidar a crise de Vulcano en relación co ferri 'Vila de Teror', encargado por Naviera Armas (Trasmediterránea) ao estaleiro vigués.

10. Detido despois de losquear a un home na Coruña e roubarlle 200 euros da carteira

Axentes da Policía Nacional detiveron na Coruña a un home como presunto autor dun roubo con violencia e dun roubo con forza, após, no primeiro dos casos, propinar dúas losqueadas na cara á vítima, a quen lle colleu a carteira que levaba no peto do pantalón, abriuna e subtraeulle 200 euros.

Para saber más Galicia en Galego

Ayúdanos a difundir Comparte este correo con otras personas que pudiesen estar interesadas en recibir esta información

Este mail ha sido enviado a tworaho.mail20@blogger.com Está expresamente prohibida la redistribución y la redifusión de todo o parte de los contenidos de este boletín sin su previo y expreso consentimiento. Este email ha sido enviado por Europa Press. Darse de baja | Tus suscripciones